ഹൂസ്റ്റണ്‍: ഹൂസ്റ്റണിലെ പ്രമുഖ മലയാളി സംഘടനകളിലൊന്നായ ഫ്രണ്ട്സ് ഓഫ്

തിരുവല്ലയുടെ ആഭിമുഖ്യത്തില്‍ ക്രിസ്തുമസ് പുതുവത്സര കുടുംബ സംഗമത്തിനുള്ള ഒരുക്കങ്ങള്‍ പൂര്‍ത്തിയായതായി സംഘാടകര്‍ അറിയിച്ചു. ജനുവരി 20നു ശനിയാഴ്ച വൈകുന്നേരം 5:30 മുതല്‍ സ്റ്റാഫോര്‍ഡിലുള്ള ദേശി റെസ്റ്റോറന്റില്‍ വച്ചാണ് (209, എങ 1092 ഞറ, ടമേളളീൃറ, ഠത,77477) പരിപാടികള്‍ സംഘടിപ്പിച്ചിട്ടുള്ളത്

ഹൂസ്റ്റനില്‍ ഉള്ള എല്ലാ തിരുവല്ല നിവാസികളെയും ഈ സംഗമത്തിലേക്കു സ്വാഗതം ചെയ്യുന്നുവെന്ന് ഭാരവാഹികള്‍ അറിയിച്ചു. പുതിയ അംഗങ്ങളെ പരിചയപെടുന്നതിനും തിരുവല്ല നിവാസികള്‍ക്കു അന്യോന്യം പരിചയം പുതുക്കുന്നതിനും ഗൃഹാതുര അനുഭവങ്ങള്‍ പങ്കിടുന്നതിനും അവസരം ഒരുക്കിയിരിക്കുന്ന ഈ കുടുംബ സംഗമം വിജയിപ്പിയ്ക്കുന്നതിനുള്ള ഒരുക്കങ്ങള്‍ ആരംഭിച്ചുവെന്നും ഭാരവാഹികള്‍ അറിയിച്ചു.

അസ്സോസിയേഷന്‍ പ്രസിഡന്റ് റോബിന്‍ ഫിലിപ്പ് അധ്യക്ഷത വഹിക്കുന്ന ചടങ്ങില്‍ മാര്‍ത്തോമാ സഭയിലെ സീനിയര്‍ വൈദികന്‍ റവ. എസ്. അലക്സാണ്ടര്‍ ക്രിസ്തുമസ് പുതുവത്സര സന്ദേശം നല്‍കും.

2018 ലേക്കുള്ള അസോസിയേഷന്‍ ഭാരവാഹികളെയും തദവസരത്തില്‍ തിരഞ്ഞെടുക്കുന്നതാണ്.

വിവിധ കലാപരിപാടികളും ഡിന്നറും തിരുവല്ല സംഗമ സന്ധ്യയെ മികവുറ്റതാക്കി മാറ്റും.

കൂടുതല്‍ വിവരങ്ങള്‍ക്ക്;

ഉമ്മന്‍ തോമസ് (281 467 5642)

റോബിന്‍ ഫിലിപ്പ് (7134084326)

ടെറിഷ് തോമസ് ( 7134496184)

തോമസ് ഐപ്പ് ( 7137793300)

ജോര്‍ജ് എബ്രഹാം (2812358600)

ജോര്‍ജ് തോമസ് ( 8322793061).

ജീമോന്‍ റാന്നി

Related News

Go to top